Arbeidsretta rehabilitering - poliklinikk
Tilbodet er for arbeidstakarar mellom 18 til 67 år, som står i fare for eller har blitt sjukemelde grunna lette til moderate psykiske helseplagar som depresjon, angst eller stress. For å delta i tilbodet må ein ha eit arbeidsforhold.
Målsetting
Styrke og stabilisere psykisk helse for å meistre eigen situasjon for å stå i, eller kome heilt eller delvis i arbeid.
Tiltak
Tilbodet blir individuelt tilpassa etter behov og målsetting. Generelt vert det gitt gruppeundervisning og 10-15 individuelle konsultasjonar med jobbfokusert kognitiv terapi.
Organisering
Tilbodet vert gitt på Moa, dagavdelinga til Muritunet, med spesifikt fokus på arbeidsdeltaking.
Kontakt med eksterne
Kontakt vert ved behov etablert med eksterne samarbeidspartar som fastlege, NAV, arbeidsgivar eller andre som er viktige i rehabiliteringsprosessen.
Eigenandel
- Eigenandel for poliklinisk konsultasjon er kr 386,-
- Du betaler maks. 2 eigenandelar i eit poliklinisk forløp.
- Eigenandelstak i 2024 er kr. 3278,- for alle tenestene.